فارسي

ԵՐԱԶԱԹԱՓ

  |  


Գրիշ Դավթյան


Լույս ու մութ,
Լույս ու մութ,
Մթնշաղ է.
Երևում,
Չի երևում գիշերը։


Հազիվ անցնում է ճամփան,
Թեքվում է ոլորանը,
Հասնում է երազին.
Այնքան լավն է,
Այնքան քաղցր.
Իրականանում են ցանկությունները։


Մութ ու լույս,
Մութ ու լույս,
Աղջամուղջ է.
Երևում,
Չի երևում առավոտը։


Վերջապես ավելանում է լույսը,
Աղջամուղջը հալվում է
Լույսի մեջ.
Երազը անհետանում է։


Կանգ է առնում,
Վերադառնում է,
Անցնում է ոլորանը,
Փնտրում է երազին։


Լուսացել է,
Երազ չի մնացել...

Գլենդել, Կալիֆորնիա,
2007-01-19


 

Կարծիքներ

Հիանալի է,նօսր ու թեթեւ,երազ ու կեանք երանգաւորուած՝ կը ստեղծեն բանաստեղծական պահն ու ապրումները նրբերանագներու ընտիր հիւսուածքով:
Միայն «Իրականանում են ցանկությունները» տողը իր արձակունակ հնչականութեամբ եւ կոտրտուածութեամբ կէ հնչէ որպէս fausse note:
Սարգիս Վահագն

Posted by: Anonymous | April 1, 2010 1:22 PM

ՁԵՐ ԿԱՐԾԻՔԸ ԿԵՐԵՎԱ ԽՄԲԱԳՐՈՒԹՅԱՆ ՀԱՍՏԱՏՈՒՄԻՑ ՀԵՏՈ, ՇՆՈՐՀԱԿԱԼՈՒԹՅՈՒՆ:

(If you haven't left a comment here before, you may need to be approved by the site owner before your comment will appear. Until then, it won't appear on the entry. Thanks for waiting.)