Ա Ղ Օ Թ Ք
Յարվարդ
Հայր մեր,
որ կա'ս
տեղ մը չէ տեղ մը
Ովկիանոսէն անդին
գիտեմ որ Քեզ պիտի չգտնեմ
խաղավայրիդ մէջ
որքան ալ ձիարշաւեմ
Գոլումպոս մը որպէս
բանասիրութեան Գարուսէլին վրայ
վալցի թափով
որքան ալ բարձրանամ
կասկածի Դարձող Անիւին մէջ նստած
Հայր մեր,
օր մը չէ օր մը
Առագաստս պարզեմ պիտի
ու գամ
ատրաշէկօրէն գեղգեղուն սրտով
- ոչ թէ որպէս Գոլումպոս
այլ խեղճ միմոս -
պիտի դիմաւորե՞ս Փետուրներով
ափ ի բերան
«հո'ւա հո'ւա» գոչելէն
Տէր,
գթա' Յարութիս վրայ
ցայդօր եւ յաւիտենից
Ամէև
2007 ֊ Հալէպ ֊