ԲԱՆԱՍՏԵՂԾՈՒԹՅՈՒՆՆԵՐ
Էլենա Արմաշ
Օազիս
Գրիր , ասում է
թե ինչպես է տեղավորվում
արեւը մանկան փո~քր ափերում
գրի՛ր ինչպես է կապույտը երկնի
անհունանում ավելի
սեւ աչքերի մեջ ...
Ոչ մի բուռ ցորեն
երկնի պնակում
ոչ էլ մի պատառ երկինք ՝ սեղանին
ուր է պոետը խելագար ...
Գրի՛ր , ասում է
մինչ ես անճարակ
քերծում եմ դեմքը
նրա աչքերով ինձ նայող թղթի ...
Վերապրում
Դու եկար
Ձեռքիդ մեջ քամի
տան
զառամյալ օդը
կծկվեց մի պահ
ու հեռացավ առանց հագուստի :
Պրպտեցի գրպանները
Թաքցված էր այնտեղ
մի պտղունց արեւ
գույնը օրերիս
շշուկները մի հարազատ ստվերի
ու գողացված մի ծով ...
Կեսգիշերային կանգառ
Կանգառում կեսգիշերվա
պառկում եմ սալաքարերին տագնապներիս
նա ( անունը ՝ չգիտեմ )
մատներով իր հայացքի
պարուրում է մարմինս
պարուրում հոգիս
հեծած սլաքին վայրկյանների
աստիճաններ եմ բարձրանում անվերջ
գիտեմ
կհանդիպեմ նրան
հաջորդ աստիճանին նստած
բռան մեջ
նռան յոթ հատիկներ ...
Կարծիքներ
Elena jan ,
shat goghtrik yev tpavorich togher en .
Yereq banasteghtsutyunnerid mej el teyev tkhrutyun ka , baytc togheri mej tagnvats Huysn ou Havatkn ou Ser@ chi vripum @ntertcoghi achkeritc .
Ketces Elena jan
yev banasteghtsakan aprumnerd linen haratev...
Posted by: Anetik | October 16, 2007 12:40 AM
Էլենա ջան, ինչ լաւ է, որ միացար կամուրջի ընտանիքին ;-) հաճոյքով կարդացի գործերդ :-)
Posted by: Դւին | October 18, 2007 10:01 AM
Elena jan,
shad urakhem yev aisbes banasdeghdzutyand jahe gelusavori hogud janabarhe.
sharunagir...
Posted by: sona | November 3, 2007 5:15 PM
Sht sirun er kukur jan .
Shnorhavorum em kez, yev parxenumem vor kez nman mi banasteghtz kuyrik unem.
Posted by: Emil | January 21, 2008 1:58 AM